Muhammadali

Etimologiyasi

Muhammadali ismi ikki qismdan iborat: “Muhammad” (ko‘p maqtalgan, maqtovga loyiq, doimiy ravishda maqtovga sazovor inson) va “Ali” (yuksak, baland, ulug‘). Bu ism islomiy an’anada muhim shaxslar bo‘lgan Payg‘ambar Muhammad (s.a.v.) va Hazrat Ali (r.a.) ismlarining qo‘shilmasidan tashkil topgan. Shu sababli, bu ism o‘zida diniy ehtirom va hurmatni mujassam etadi.

Statistikasi

Muhammadali ismi O‘zbekiston va boshqa Markaziy Osiyo davlatlarida keng tarqalgan. Ayniqsa so‘nggi yillarda u diniy mazmuni tufayli ota-onalar orasida ommalashmoqda. 2017-yildan to 2025-yilga qadar ushbu ism har yili O‘zbekistonda eng ko‘p qo‘yilgan ism sifatida birinchilikni o‘zidan hech kimga bermayapti. (2018-yil faqat Mustafo ismi o‘zib ketgan xolos)

Manba: Kun.uz maqolasi

Mashhur shaxslar

Muhammad Ali (1942–2016) — amerikalik professional bokschi, og‘ir vazn toifasida uch karra jahon chempioni. Uning asl ismi Cassius Clay bo‘lgan, biroq islom dinini qabul qilgach, ismini Muhammad Ali deb o‘zgartirgan. U nafaqat sportdagi yutuqlari, balki inson huquqlari va irqiy tenglik uchun olib borgan kurashlari bilan ham tarixda muhim o‘rin egallagan.

Batafsil ma’lumot

Agar siz “Muhammad” yoki “Ali” ismlarining alohida ma’nolari, tarixi, ahamiyati va statistikasi haqida to‘liqroq bilmoqchi bo‘lsangiz, quyidagi sahifalarga o‘ting:

• ➡ Muhammad ismi sahifasiga o‘tish
• ➡ Ali ismi sahifasiga o‘tish